Тулыс Гурьес
Размер:
AAA
Цвет: CCC
Изображения: Вкл.Выкл.
Обычная версия сайта
Поиск
Удмуртская Республика, с.Шаркан, ул.Ленина, д.14


Наш адрес
Дата и время
+7 (34136) 3-31-67
e-mail: shark@udmnet.ru
телефонный справочник

Приемная

Тулыс Гурьес

Тулыс Гурьес
21.03.2013
Кызети южтолэзе нош ик осъессэ усьтиз Быги гуртысь культура юрт кырзаны быгатись пиналъеслы. Та юртын куинети арзэ котькуд тулыс ортче ини «Тулыс гуръес» чошатскон. Чошатсконэз ялэ вань удмуртъеслэн «Удмурт кенеш» огазеяськонзы. Та мероприятие малпамын удмурт кырзанэз калыке волмытон понна, выль кырзанъесты поттон понна. Чошатсконэ пиналъес пырисько бадзым мылкыдын. Туэ но тани вал дас ньыль номер, кырзазы дас тямыс пиналъес. Одигез гинэ соос полысь пи вал – Корепанов Стас Быги гуртысь. Шумпотыса верано, вань кырзанъес удмуртэсь вал. Ваньмызлэн ик темазы – тулыс. Кин кырзаз писпуос но умой мылкыд сярысь, кин зольгыриос но шунды сярысь, кин анай но яратон сярысь. Пиналъес быгатыса кырзазы фонограмма но баян пыр но. Заллы тужгес но яразы баянэн кырзам кырзанъес. Верам потэ, тужгес но мусоесь адзисько вал удмурт диськутэн чошатсконэ лыктэм пиналъес. Диськутъессы сценаез ик шулдыргес каро кадь, сычеесь соос яркытэсь, аспортэмлыкоесь. Чошатскон со чошатскон. Котькуд чошатсконын луэ жюри, кудиз ваньзэ валаса но сэрттыса пертчыса эскере. Жюриын туэ вал Немзорова Елена Андреевна, Шахирзянова Оксана Викторовна но Перевозчикова Елена Леонидовна. Дунъязы жюриос кырзаны быгатэмзэс, артистичностьсэс, крезьгур сопровождениез, сценической вылтырзэс. Чошатсконэ пыриськисьес люкемын вал ваньзы ньыль группалы: 6-7 аресъем пиналъес, 8-10 аресъем, 11-13 аресъем но 14-17. Жаляса верано луоз, берпумети группаын вал огназ Настя Наговицына Сосновка черко гуртысь. Туж быгатыса, зэмос артист кадь кырзаз Настя, но чошатскыны вал нокинэн. Нырысети группаын вормисе потиз Ниж-Кивар гуртысь дуэт: Хохрякова Лиана но Стрелкова Надя. Зар-Вишур гуртысь дуэт Вахрушева Дарья но Вахрушева Наташа кыкети инты басьтизы. Таосыз, мон малпасько, луысал ке учкисьеслэн приззы, одно ик сое но басьтысалзы. Сокем мусоесь вал та дыдиос! Кыкети группаын вормисе потиз Антонова Ирина Сосновка черко гуртысь. Таиз артист басьтысал на, дыр, «мусокай» ним. Сокем мусо адзиськиз со сцена вылын! Кыкети инты басьтиз Быги гуртысь Ермолаева Ирина. Нош куинети Инты сетэмын вал Пашур-Вишур гуртысь Буранова Зоялы. Таосыз нылъес одно ик тодмо артистъес луозы, дыр. Сцена вылын соос кузеос ни. Куинети группаын туж яркыт кизили вал Матвеева Надя Ниж-Казесс гуртысь, сои ик солы сетэмын вал нырысети инты. Кыкети инты басьтиз Вахрушева Наина Зар-Вишур гуртысь. Куинетизэ – Казакова Лейла Быги гуртысь. Чошатсконэз нуизы, залысь калыкез шулдыртизы, артистъесты тулкымъяськонлэсь утизы Небыльток но Чупырок. Таос котьку но шедьтылизы вераны кулэ кылъес, кулэ шудонъес. Вань артистъес басьтизы дипломьес но пичи саламьес!